• " दीगो लगानी र शहरी पूर्वधार देश विकासको मुल आधार "

नगर विकास कोषको ३३ औं वार्षिक उत्सव समाराेह !!

मिति २०७७ फाल्गुण २ गते नगर विकास कोषको ३३ औं वार्षिकोत्सव समारोहलाई सहरी विकास मन्त्री प्रभु साहज्यूले उद्घाटन गर्नुभयो । मन्त्रि साहले कोषले गरेको कामलाई प्रशंसा गर्दै सरकारले थप सहयोग गर्ने बताउनुभयो । वहाँले सहरी पूर्वाधारको विकास गर्न कोषलाई निगमका रूपमा एक स्वायत्त एवं दिगो वित्तिय मध्यस्थकर्ताका रूपमा विकास गर्ने बताउनुभयो ।

सहरी विकास मन्त्रालयका सचिव रमेशप्रसाद सिंहज्यूले सहरी पूर्वाधार विकासमा दीर्घकालीन ऋण लगानीमार्फत विकासका लक्ष्य हासिल गर्न नगर विकास कोषले उल्लेख्य जिम्मेवारी बहन गरेको भन्दै प्रशंसा गर्नुभयो ।

कोषका पूर्व कार्यकारी निर्देशक तथा राष्ट्रिय पुर्ननिमार्ण प्राधिकरणका प्रमुख कार्यकारी अधिकृत सुशील ज्ञवालीजयूले कोषले ठूलो फड्को मारेको छ भन्दै आगामी दिनमा यसले शहरी पूर्वाधारको क्षैत्रमा आफ्नो दायरा अझै फराकिला बनाउनेमा विश्वास व्यक्त गर्नुभयो । नेपाल नगरपालिका संघका अशोक बेन्जु श्रेष्ठज्यूले नगरपालिकाहरुलाई नगर विकास कोष जस्तो संस्था अपरिहार्य भएकोमा जोड दिनुभयो ।

वार्षिकोत्वस समारोहमा कोषले नगरपालिकातर्फ ऋण लगानी मार्फत नमुना काम गरेको कञ्चनपुरको भीमदत्त नगरपालिका र सर्लाहीको लालबन्दी नगरपालिका तथा खानेपानी संस्थातर्फ कावासोती खानेपानी उपभोक्ता संस्था नवलपुर र करैया मक्रहर उपभोक्ता संस्था रूपन्देहीलाई उत्कृष्ट सेवाग्राहीको रुपमा सम्मान गरेको थियो ।