TDF | Town Development Fund

नगर विकास कोषको वागमती प्रदेशस्तरीय कार्यशाला गोष्ठी मिति २०७९ चैत्र ८ गते सम्पन्न !

European Union को प्रविधिक सहयोगमा संचालित नगरपालिका वित्त तथा क्षमता विकास (MFCB) कार्यक्रम अन्तर्गत नगर विकास कोषको आयोजनामा वागमती प्रदेशका ४५ वटा नगरपालिकाहरुका नगर प्रमुख तथा योजना प्रमुखहरुको सहभागितामा वागमती प्रदेश अन्तर्गतको ललितपुर महानगरपालिकामा कोषको व्यवसायिक योजना, कार्य सञ्चालन प्रकृया, आयोजना विकास तथा मूल्याङ्कन, लगानीका विभीन्न बित्तिय उपकरणहरु, नगरपालिकाहरुको सम्भावित पूर्वाधार कार्यक्रमहरुकामा विस्तृतरुपमा अन्तरक्रिया सहित १ दिने कार्यशाला गोष्ठी सम्पन्न गरिएको छ ।

यस गोष्ठीबाट कोष र वागमती प्रदेशका नगरपालिकाहरु बीच शहरी पूर्वाधारका आयोजनाहरुमा सहकार्य सहित अपेक्षितरुपमा लगानी बृद्धि हुने र व्यवस्थित शहरीकरणमा सहयोग हुने अपेक्षा गरिएको छ ।

मिति २०७९ चैत्र २२ गते माननीय शहरी विकास मन्त्री सीता गुरुङ्गज्यूबाट नगर विकास कोषको भ्रमण सहित कोषका विविध विषयहरुमा जानकारी लिने कार्यक्रम सम्पन्न।

मिति २०७९ चैत्र २२ गते माननीय शहरी विकास मन्त्री सीता गुरुङ्गज्यू तथा शहरी विकास मन्त्रालयका सचिवज्यू एवं कोषका सञ्चालक समिति अध्यक्ष सुरेश आचार्यज्यू, मन्त्रालयका सह सचिवज्यू लगायतका पदाधिकारीज्यूबाट नगर विकास कोषको भ्रमण सहित कोषका विविध विषयहरुमा जानकारी लिने कार्यक्रम सम्पन्न भयो ।

कोषका कार्यकारी निर्देशक श्री कृष्ण प्रसाद सापकोटाज्यूबाट माननीय मन्त्रीज्यू, सचिवज्यू, मन्त्रालयका सह सचिवज्यू लगायतका पदाधिकारीज्यूहरुलाई स्वागतका साथ कोषको कार्यक्रमहरू र आगामी कार्यदिशाका सम्बन्धमा जानकारी गराउनुभयो ।

कार्यक्रममा शहरी विकास मन्त्रालयका सचिव एवं कोषका अध्यक्ष श्री सुरेश आचार्यज्यूबाट शहरी पूर्वाधार क्षेत्रमा कोषको लगानीलाई विस्तार गर्ने उद्देश्यले कोषको हालै निर्माण भएका लगानी विनियमावली, २०७९ र ऋण असुली विनियमावली, २०७९ महत्वपूर्ण दस्तावेज सावित हुने विचार व्यक्त गर्दै नगर विकास कोषलाई पुनर्संचना गरी पूर्वाधार विकासमा वैकल्पिक पूँजी परिचालन गर्ने सक्षम संस्थाकोरुपमा विकास गर्ने कार्यमा मन्त्रालयको पहल कदमी हुने कुरामा जोड दिनुभयो ।

कार्यक्रममा माननीय मन्त्रीज्यूबाट कोषका कार्यक्रमहरुको विषयमा अन्तरक्रियात्मक रुपमा छलफलका साथ कोषले गर्ने लगानीलाई आधुनिक शहरी पूर्वाधार सहितका Smart City, Land Pooling मा समेत विस्तार गर्नु पर्ने तथा साना नगरपालिकाहरुमा पनि कोषको उपस्थिति हुनुपर्ने विचार व्यक्त गर्दै कोषको कार्यक्षेत्र विस्तृतीकरण एवं पुँजी पुनःसंरचना रणनैतिक पत्र स्वीकृति एवं कार्यान्वयनका लागि मन्त्रालयको तर्फबाट महत्वपूर्ण पहल तथा सहयोग रहने जानकारी गराउनुभयो ।

नगर विकास कोषको मधेश प्रदेशस्तरीय कार्यशाला गोष्ठी मिति २०७९ चैत्र २ गते सम्पन्न !

European Union (EU) को प्रविधिक सहयोगमा संचालित नगरपालिका वित्त तथा क्षमता विकास (MFCB) कार्यक्रम अन्तर्गत नगर विकास कोषको आयोजनामा मधेश प्रदेशका ७७ वटा नगरपालिकाहरुका नगर प्रमुख तथा योजना प्रमुखहरुको सहभागितामा मधेश प्रदेश अन्तर्गतको जनकपुर उपमहानगरपालिकामा कोषको व्यवसायिक योजना, कार्य सञ्चालन प्रकृया, आयोजना विकास तथा मूल्याङ्कनका साथै नगरपालिकाहरुको सम्भावित पूर्वाधार कार्यक्रमहरुका सम्बन्धमा समेत विस्तृतरुपमा अन्तरक्रिया सहित १ दिने कार्यशाला गोष्ठी सम्पन्न गरिएको छ ।

यस गोष्ठीबाट मधेश प्रदेशका नगरपालिकाहरुसंग शहरी पूर्वाधारका आयोजनाहरुमा सहकार्य सहित अपेक्षितरुपमा लगानी बृद्धि हुने र व्यवस्थित शहरीकरणमा सहयोग हुने अपेक्षा गरिएको छ

नगर विकास कोषको कोशी प्रदेशस्तरीय कार्यशाला गोष्ठी मिति २०७९ फाल्गुन ३० गते सम्पन्न !

European Union (EU) को प्रविधिक सहयोगमा संचालित नगरपालिका वित्त तथा क्षमता विकास कार्यक्रम अन्तर्गत नगर विकास कोषको आयोजनामा कोशी प्रदेशका ४९ वटा नगरपालिकाहरुका नगर प्रमुख तथा योजना प्रमुखहरुको सहभागितामा कोशी प्रदेश अन्तर्गतको ईटहरी उपमहानगरपालिकामा कोषको व्यवसायिक योजना, कार्य सञ्चालन प्रकृया, आयोजना विकास तथा मूल्याङ्कनका साथै नगरपालिकाहरुको सम्भावित पूर्वाधार कार्यक्रमहरुका सम्बन्धमा समेत विस्तृतरुपमा अन्तरक्रिया सहित १ दिने कार्यशाला गोष्ठी सम्पन्न गरिएको छ ।

यस गोष्ठीबाट कोशी प्रदेशका नगरपालिकाहरुसंग शहरी पूर्वाधारका आयोजनाहरुमा सहकार्य सहित अपेक्षितरुपमा लगानी बृद्धि हुने र व्यवस्थित शहरीकरणमा सहयोग हुने अपेक्षा गरिएको छ ।

नगर विकास कोषको ३५औं वार्षिकोत्सव शहरी विकास मन्त्रालयका माननीय शहरी विकास मन्त्री श्री विक्रम पाण्डेज्यूको प्रमुख आथित्थयमा विविध कार्यक्रमका साथ मनाईयो ।

सह–लगानी खानेपानी तथा सरसफाई आयोजना अन्तर्गत तुलसीपुर सहलगानी खानेपानी तथा सरसफाई आयोजना, दाङ्गमा नगर विकास कोषको रु. १४ करोड २२ लाख ५६ हजार ऋण लगानीका लागि ऋण सम्झौता सम्पन्न !

सहलगानी तथा साझेदारी नीति अवधारणामा नेपाल सरकार, नगर विकास कोष तथा उपभोक्ता संस्थाको संयुक्त सह लगानीमा निर्माण हुने तुलसीपुर सहलगानी खानेपानी तथा सरसफाई आयोजना निर्माणका लागि आयोजनाको निर्माण, सञ्चालन तथा व्यवस्थापन गर्न खानेपानी तथा ढल व्यवस्थापन विभागबाट छनौट भएको बोलपत्रदाताले पेश गरेको ठेक्का कबोल अंक (खानेपानी आपूर्तितर्फ) को लागत रु. ५६ करोड ९० लाख २४ हजारको २५% ले हुने रकम रु. १४ करोड २२ लाख ५६ हजार कोषबाट ऋण लगानीका लागि नगर विकास कोषका कार्यकारी निर्देशक श्री कृष्ण प्रसाद सापकोटाज्यू र तुलसीपुर सहलगानी खानेपानी तथा सरसफाई उपभोक्ता संस्थाका अध्यक्ष श्री यमकान्त भण्डारीज्यू बीच मिति २०७९ मंशीर २० गते ऋण सम्झौता सम्पन्न भएको छ ।
उक्त सम्झौतामा तुलसीपुर उपमहानगरपालिका नगर प्रमुख श्री टिकाराम खड्काज्यूले जमानतकर्ताको रुपमा हस्ताक्षर गर्नुभएको थियो ।
सम्झौता कार्यक्रममा तुलसीपुर सहलगानी खानेपानी तथा सरसफाई उपभोक्ता संस्थाका अन्य पदाधिकारीहरु, तुलुसीपुर उपमहानगरपालिका पदाधिकारी तथा कोषका पदाधिकारीहरुको समेत उपस्थिति थियो ।
तुल्सीपुर उपमहानगरपालिका वडा नं. ५, ६, ७, १० र १२ सेवा क्षेत्र रहेको उक्त आयोजनाको लागि कूल लागतको नेपाल सरकारबाट ७० प्रतिशत अनुदान, नगर विकास कोषबाट २५ प्रतिशत ऋण लगानी र ५ प्रतिशत रकम उपभोक्ता संस्थाबाट व्यहोरिने छ । उक्त आयोजना निर्माण पश्चात सन् २०२४ मा १४९९१ घरधुरीलाई बबई सम्पवेल र डिप बोरिङ मार्फत २४ सै घण्टा खानेपानी सेवा पुयाउने लक्ष्य रहेको छ ।

कोषले दिगो शहरी पूर्वाधार विकासका लागि पुर्याएको गतिविधिका सम्बन्धमा जानकारीमूलक प्रदर्शन !

नेपाल नगरपालिकाका संघको ८ औ राष्टिय अधिवेशन तथा Symposium on Sustainable Cities and Communities का अवसरमा विभिन्न साझेदार निकायहरुको गतिविधीका सम्बन्धमा जानकारीमूलक Exhibition Event मा नगर विकास कोषले दिगो शहरी पूर्वाधार विकासका लागि पुर्याएको गतिविधिका सम्बन्धमा जानकारीमूलक प्रदर्शन !

सह–लगानी खानेपानी तथा सरसफाई आयोजना अन्तर्गत घोराही सहलगानी खानेपानी तथा सरसफाई आयोजना, दाङ्गमा नगर विकास कोषको रु. १२ करोड ४६ लाख ऋण लगानीका लागि ऋण सम्झौता सम्पन्न !

सहलगानी तथा साझेदारी नीति अवधारणामा नेपाल सरकार, नगर विकास कोष तथा उपभोक्ताको संयुक्त सह लगानीमा निर्माण हुने घोराही सहलगानी खानेपानी तथा सरसफाई आयोजना निर्माणका लागि आयोजनाको निर्माण, सञ्चालन तथा व्यवस्थापन गर्न खानेपानी तथा ढल व्यवस्थापन विभागबाट छनौट भएको बोलपत्रदाताले पेश गरेको ठेक्का कबोल अंक (खानेपानी आपूर्तितर्फ) को लागत रु. ४९ करोड ८५ लाख ४९ हजारको २५% ले हुने रकम रु. १२ करोड ४६ लाख ३७ हजार कोषबाट ऋण लगानीका लागि नगर विकास कोषका कार्यकारी निर्देशक श्री कृष्ण प्रसाद सापकोटा र घोराही सहलगानी खानेपानी तथा सरसफाई उपभोक्ता संस्थाका अध्यक्ष श्री देवि बहादुर डि.सी बीच मिति २०७९ मंशीर १९ गते ऋण सम्झौता सम्पन्न भएको छ ।
उक्त सम्झौतामा घोराही उपमहानगरपालिका नगर प्रमुख श्री नरुलाल चौधरीज्यूले जमानतकर्ताको रुपमा हस्ताक्षर गर्नुभएको थियो । सम्झौता कार्यक्रममा घोराही सहलगानी खानेपानी तथा सरसफाई उपभोक्ता संस्थाका अन्य पदाधिकारीहरु, घोराही उपमहानगरपालिका पदाधिकारी तथा कोषका पदाधिकारीहरुको समेत उपस्थिति थियो ।
घोराही उपमहानगरपालिका वडा नं. १४, १५, १७ र १८ सेवा क्षेत्र रहेको उक्त आयोजनाको लागि कूल लागतको नेपाल सरकारबाट ७० प्रतिशत अनुदान, नगर विकास कोषबाट २५ प्रतिशत ऋण लगानी र ५ प्रतिशत रकम उपभोक्ता संस्थाबाट व्यहोरिने छ । उक्त आयोजना निर्माण पश्चात सन् २०२४ मा १३०४७ घरधुरीलाई सम्पवेल र डिप बोरिङ मार्फत २४ सै घण्टा खानेपानी सेवा पुर्याउने लक्ष्य रहेको छ ।

मिति २०७९ पौष ६ गते शहरी विकास मन्त्रालयका सचिव एवं कोषका अध्यक्ष श्री सुरेश आचार्यज्यूबाट नगर विकास कोषको भ्रमण सहित कोषका विविध विषयहरुमा जानकारी लिने कार्यक्रम सम्पन्न भयो !

मिति २०७९ पौष ६ गते शहरी विकास मन्त्रालयका सचिव एवं कोषका अध्यक्ष श्री सुरेश आचार्यज्यूबाट नगर विकास कोषको भ्रमण सहित कोषका विविध विषयहरुमा जानकारी लिने कार्यक्रम सम्पन्न भयो ।
कोषका कार्यकारी निर्देशक श्री कृष्ण प्रसाद सापकोटाज्यूबाट श्रीमान् सचिवज्यू एवम् अध्यक्षज्यूलाई स्वागतका साथ कोषले शहरी पूर्वाधार विकासको क्षेत्रमा हालसम्म गरेको योगदान, हालका कार्यक्रमहरु र आगामी कार्यदिशाका सम्बन्धमा प्रस्तुतीकरण गर्नुभयो ।
कार्यक्रममा शहरी विकास मन्त्रालयका सह सचिवज्यू श्री प्रदीप परियारज्यू एवम् कोषका पदाधिकारीहरुको समेत उपस्थिति थियो ।
कार्यक्रममा सचिव एवं अध्यक्षज्यूबाट आधुनिक प्रविधिसंगै दिगो शहरी पूर्वाधार विकास आजको आवश्यकता भएकोले शहरी पूर्वाधार विकासमा कोष मुलुकको एक अग्रणी संस्थाकोरुपमा अगाडि बढ्नुपर्नेमा जोड दिनुभयो । श्रीमान् सचिवज्यूले कोष GCF (Green Climate Fund) परिचालनका लागि Accreditation को प्रक्रियामा रहेकोले GCF को ठूलो Fund प्राप्त गर्नका लागि आवश्यक प्रक्रियाका लागि तदारुक्ता सहित अत्यन्त Professional संस्थाकोरुपमा कार्य गर्न निर्देशन दिनु भयो ।
कोष व्यावसायिक संस्थाकोरुपमा अगाडि बढ्न पूँजी संरचना बृद्धि गर्न आवश्यक रहेको बताउँदै कोषको कार्यक्षेत्र विस्तृतीकरण एवं पुँजी पुनःसंरचना बृद्धिका लागि मन्त्रालयकोतर्फबाट महत्वपूर्ण पहल हुने जानकारी गराउनुभयो ।

Workshop on ‘Strengthen Disaster Preparedness and Response Planning at the Sub-National Level

Town Development Fund organized 2 days training program (December 19-20, 2022) on strengthening Disaster Preparedness and Response Planning at the Sub-National Level to the staffs (Engineers, Environmentalists, and Chief Administrative officers) of 15 municipalities and CBOs under the Municipal Finance Capacity Building (MFCB) Programme at Sauraha, Chitwan.
The main objective of this workshop was to involve CBOs in disaster preparedness and response planning ensuring gender equality and social inclusion (GESI) in the process of DRM at the local level. The workshop highlighted the value of traditional knowledge from indigenous communities to reduce disaster risk at the community level.